Á Skíðum skemmti ég mér trallallala.....

Jább helgin byrjaði svona líka ógeðslega vel.....ég komst að því að við værum virkilega á leiðinni á skíði. Búið að panta hótelið og allar græjur þó að það virtist allt vera fullt þá hafði elskan mín náð að panta handa okkur og draumurinn var að verða að veruleika. Hótelherbergi með 2 herbergjum sem var himnasæla því Miguel vildi endilega koma með....sem hafði nú ekki alveg verið á planinu hjá mér en....Dagurinn leið, versluðum okkur meiri græjur til að fara með í ferðalagið, nýja hanska, skíðagleraugu og dæmi.  Dúllan mín gaf mér meira að segja nýja...glænýja skíðaskó því honum fannst mínir gömlu vel komnir úr tísku hehe.  Það var semsagt afmælisgjöfin, geggjaðir skór mar..

Svo var lagt í hann ....frekar seint en allt í góðu.  Nú þetta var þessi líka 3 tíma bíltúr en ekkert farið á skíði!!! Komumst að því á miðri leið að hótelið var í ca 100km fjarlægð frá skíðasvæðinu held að það séu fáir í stuði að fara í frí, skíða meira og minna allann daginn til að þurfa svo að keyra 100km til að komast heim á hótel og slappa af.  Grenj og meira grenj....skíðaferðin var blásin af.  En við fengum þennan fína bíltúr í staðinn.   Miguel var brjálæðislega fúll en okkur var næstum lofað að það yrði farið þannig nú er bara vona að snjórinn haldist og við getum farið eftir 2-3 vikur. Upp með bjartsýnina

En ég get svosem ekki kvartað yfir helginni, við höfðum við það bara mjög gott. Og í dag var svona innan gæsalappa haldið upp á afmælið mitt eða við fórum saman út að borða með Jose og Chiqui og krakkarnir.  það var fínt.  

Reyndar er ég komin með hjartað uppí háls því á morgun er talning í búðinni í Murciu....úfff

Jæja hætt í bili, knús 

 

Veikindi

Jæja helgin var bara frábær að öllu leyti, brúðkaupið, ég fór í hárgreiðslu og vinkona mín málaði mig. Ég vakti mikla athygli meðal frændfólks og skyldmenna Fulgen sem höfðu aldrei séð mig svona vel til hafða og ég var að hitta marga í fyrsta sinn.  Við fórum nú reyndar bara snemma heim en þetta var mjög gaman.

Ólafur Ketill og Perla Líf voru í góðu yfirlæti í afmæli og svo meirihlutann af sunnudeginum með okkar kæru vinkonu Nines og systurdóttur hennar.  Þannig að ég fékk smá barnafrí þessa helgi, það varð ekkert úr Karnavali, því þau komu tilbaka um kl18 þá er það víst búið.  

Perla Líf veiktist í gær eða fékk svona asma eða þannig og mikinn hita í nótt.  Ef hún lagast ekki þarf að taka lungnamynd af henni á morgun og örugglega gefa henni pensilín eins og oft áður.  

Annars er ég búin að taka íbúðina að mestu í gegn því í dag kemur Þurý til okkar, förum og sækjum hana á San Javier flugvöll seinnipartinn.  

PS. er að verða frænka enn einu sinni.

knús 

Valentínusardagurinn, brúðkaup og fullt að gerast.

Hæ hæ,

Vá mar ég elska mig svo mikið,hehe ég fór sko og keypti gjafir handa mér, ég best. Reyndar keypti ég smá pakka handa elskunni minni!! Og svo gaf hann mér fullt af kossum, þeim má nú ekki gleyma, þeir lífga upp á lífið.  Svo er Karnival á fullu hérna á Spáni núna, Perla Líf fer með vinkonu sinni á það á morgun og keyptum við drekabúning í tilefni af því, Ólafur Ketill fékk líka búning eitthvað drakúla dæmi.  Svo er þeim boðið í afmæli á laugardaginn, mér og Fulgen í brúðkaup.  Þannig að þau fara í afmæli og svo til Ninesar að gista, það verður fjör.  Þetta er afmælið besta vinar hans Ólafs, Adrian.  

 Á sunnudaginn förum við kannski bara öll á Karnavalið....síðasti dagurinn, æi maður ætti nú að skella sér fyrir þessi grey. Ja sjáum til.

Í dag var flottur dagurinn, hitinn heldur áfram, þannig að skíðaferðin er enn á undanhaldi..... En viti menn þó að maðurinn minn hafi ekki haft neina gjöf í gær þá kom hann sko hlaðinn gjöfum í dag!!! Haldið ekki að hann hafi keypt skíði og klossa handa mér!!! Jibbý ég er ekkert smá hamingjusöm. Það eina var að klossarnir voru heldur litlir....það þarf að skipta þeim, því miður. En þetta var frábært.

Búin í bili, 

 

Hreinsunardagar....

Jább mín er núna í stuði til að henda og taka til!!! Eins gott að nota tækifærið, því það er nú ekki alltaf sem mín kemst í svona stuð.  Fátæka fólkið og Rauði krossinn hafa fengið nokkra poka undanfarið af fötum og dóti....úff það er svo mikið til af drasli.  Er nú að ljúka þessu eða það er nú ekki mikið eftir.

Nú okkur er boðið í brúðkaup heima á Íslandi þann 17. mars en því miður komumst við ekki!!! Ástæðurnar eru nokkrar, því miður er ekki byrjað að fljúga beint, þannig að flugið er þó nokkuð dýrara og svo tekur það miklu lengri tíma að fara í gegnum London.  Til að stoppa bara í 4 daga þá er þetta því miður ekki inni í myndinni.  Þið getið ekki ímyndað ykkur hvað ég er sorgmædd yfir að komast ekki, en það er búið að lofa mér videoi af öllum herlegheitunum og það verður víst að duga mér.

Jæja hér er komið sumarveður....ótrúlegt við erum komin í 25°á daginn sem hefur ekki gerst í 30 ár hér á Spáni í febrúar. Lítur út fyrir að ég geti verið á stuttbuxunum eða pilsi á afmælisdaginn.  En þar af leiðandi fer lítið fyrir skíðaferðinni sem mig langaði í.  

Heyrumst... 

Frábær helgi.!!!!

Jæja nú fer að líða að vinnuviku aftur, úff vakna í fyrramálið, er ekki alveg að nenna.  Jæja helgin hjá okkur er búin að vera viðburðarrík.  Nú mín byrjaði laugardagsmorgun að fara í tvöfaldan leikfimitíma með Chiqui mágkonu, spinning og body pump, það var fínt en fann samt fyrir því allan daginn.  Því miður hafði ég ekki sofið nógu vel því þegar ég loksins var að sofna kom Perla Líf greyið grátandi því henni var svo illt í maganum.....úff, eftir smá var allt klósettgólfið útí ælu, þó meirihlutinn hafi farið ofaní.  Þannig hún svaf uppí hjá mömmu og Fulgen sem hefur nú ekki gerst í háa herrans tíð.  Þannig vegna þess var minna sofið en venjulega, líka því ég náði mér í kvef á fimmtudaginn, varð líklega kalt eftir leikfimi eða eitthvað en þetta er nú bara smá hor....

Ólafur Ketill fór í fyrsta skipti á þessum vetri ekki í skólann á fimmtudaginn, hann fékk eitthvað illt í magann og var heima, því miður ældi greyið á meðan mamma skrapp í vinnuna og þurfti því að þrífa sjálfur.....úff það var mjög erfitt.  En hann var orðin góður seinnipartinn og vildi endilega fara í sund.

Á laugardaginn var feðgamót í tennis, auðvitað tóku strákarnir Fulgen/Miguel, Jose/Alvaro og Gonzalo/Mario þátt, það gekk nú svona upp og niður en mestu máli skiptir að taka þátt.  Það er alveg merkilegt hvað krökkum nú til dags og kannski alltaf......eiga bágt með að tapa.  Þessir þrír frændur voru í svo vondu skapi á laugardagskvöldið að það var ekki talandi við þá hahahaha

Nú í dag fórum við í mat til vinafólks og þar var margt um manninn, mikið af krásum og þá meina ég af mat og drykk.  Úff át á mig gat og drakk bjór með, ekki slæmt.  Ég ákvað að ég ætti það skilið eftir alla þessa leikfimi,  annars lifir maður fyrir ekki neitt.  ÉG ELSKA AÐ BORÐA GÓÐAN MAT.....minn helsti veikleiki.

Er búin að vera dugleg, taka herbergin hjá krökkunum í gegn, þrífa aðeins og strauja viku þvottinn.

Ahh já var næstum búin að gleyma fórum í bíó í gær að sjá nýjustu mynd Mel Gibson....þá meina ég þá sem hann leikstýrir.

Hún er vel blóðug en ágæt samt,  það eru nokkrir vankantar á myndinni og þá helst að einn villimaður er að berjast fyrir lífi sínu og hleypur í skóginum til að sleppa við hinn ættbálkinn sem vill drepa hann.  Þó að skógurinn nái yfir mörg þúsund hektara og fjöll þá eru þeir alltaf á slóð hans.....það er bara engan veginn mögulegt í skógi sem þessum segi ég...  Það var alveg sama þó þeir væru ansi langt á eftir honum en alltaf fóru þeir rétta leið.  jæja ætla ekki að tjá mig meira um það hún endaði vel og það er gott.

Gott í bili, óska ykkur öllum góðrar vinnuviku. 

Áfram ég híhí.

Jæja mér finnst svo miklu skemmtilegra að blogga núna eftir að ég opnaði aftur haha. Er ekki viss afhverju en það er eins og fleiri kíki inn og svoleiðis.  Ég er nú búin að hafa það gott í dag fór út að borða með vinnufélögunum eða eitthvað af þeim þannig nú er að fara í tvöfalda leikfimitíma til að ná því af sér.  

Annars er ég búin að vera að prófa laser á nárann, var alveg komin með ógeð af vaxi og vélum upp fyrir haus.  En það er ótrúlegt hvað þau hafa horfið hratt hárin ég er í skýjunum, fyrir sumarið verð ég laus að mestu við þetta vandamál.  Stelpur ég mæli eindregið með þessu, er meira að segja að hugsa um að gera þetta á fleiri stöðum þó að þetta sé helsti staðurinn sem fer í pirrurnar.  En ef það eru engin hár að trufla enn betra.

Krakkarnir eru á leiðinni í sund, og á meðan fer ég að púla.  Ólafur Ketill var í prófum um daginn og heldur sínu striki 9,5 í meðaleinkunn hæstur sjöttu vikuna í röð.  Þau fara í próf í hverjum kafla á 2 vikna fresti og meirihlutann af vetrinum hefur hann verið hæstur.  Ekki hægt að kvarta yfir þessari elsku.

jæja verð að rjúka, þið styrkið mig elskurnar. 

Veturinn, sem betur fer líður hjá.

Jæja ég er alltaf á varðbergi í dag vegna þess að ég opnaði síðuna, æi ég vona svo innilega að ég fái að vera í friði með hana í þetta skiptið.  Veit ekki að ég hafi gert neinum neitt til að verðskulda það sem sett var inn á síðuna mína og barnanna minna og minna nánustu.  Ef ég hef gert einhverjum eitthvað að sá hinn sami geti sagt það hreint og beint og útkljáð málin, þetta er heigulsháttur!!!

Jæja hef sagt það sem mér lá á hjarta, nú er Ólafur Ketill alla veganna byrjaður að blogga aftur og endilega kíkið á síðurnar þeirra, það vekur kannski áhugann hjá þeim að skrifa, ég er að reyna mitt besta að þau skrifi og kíki.  

Held að sjálfsálitið og vellíðanin sé á uppleið en þetta er í fyrsta skipti sem ég tek eftir hvað þessi tími fer í mig í rauninni.  Er niðri á botni en þegar ég sé að það er farið að lengja daginn og aðeins þó ekki mikið farið að hlýna þá líður mér betur.  Einnig er ég alltaf á þessum tíma mjög óróleg, mig vantar að komast að heiman.....aðeins frá börnum og búi, langar að fara á skíði og þar sem ég er búin að ákveða að ég ætla að leyfa mér það núna í lok febrúar, byrjun mars þá er ég líka miklu glaðari.  Ætla helst að taka kallinn með en ef ekki þá bara Chiqui eða einhverja vinkonu haha .

Það versta að það er ekkert ódýrt að vera með svona njálg í rassinum fyrir ferðalögum hahah en verð víst bara að taka þessu, er bara svona.

knús til ykkar allra, þið eruð æði.!!! 

Frjáls aftur....að ég held.

Hef eins og þið sjáið ákveðið að opna bloggið aftur.  Mér til mikillar hamingju, mér finnst eins og fólk sé latara að heimsækja mig afþví það er læst og svo framvegis.  Gerir ekkert til að prófa.  Helgin er búin að vera viðburðarrík að vanda, fór með Chiqui í leikfimi í gærmorgun og í 2 tíma, þýðir ekkert annað en harðsperrurnar segja til sín í dag.  Svo vorum við bara á ferð og flugi og hittum Nabilu aðeins sem fer til Frakklands líklega á þriðjudag.  Í dag vorum við í afmælinu hennar Lauru í allan dag, á íþróttavelli þar sem er margt hægt að gera og dagurinn fór allur í það.  Er búin að sofa lala undanfarið og ætla að fara snemma að sofa.  

Verð nú samt að segja að mér finnst ég hafa endurheimt ýmislegt síðan ég skrifaði á bloggið síðast.  

Til hamingju Íslendingar að vera í 8 sæti á heimsmeistaramótinu í Þýskalandi, verum stolt!!!!

Fúlt að hafa tapað.....

Hæbb, ég er eins og flestir íslendingar frekar fúl yfir tapi við dani....en við getum samt ekki verið annað en stolt af strákunum okkar eins og við viljum kalla þá.  Að við smáþjóðin séum í hópi 8 bestu handboltaliða heims.....getum við gert meiri kröfur!!!!????  Ég bara spyr? Jæja hér gengur lífið áfram ég er í einhverju niðursveiflu og finnst lífið frekar einhæft...reyni samt eins og ég get að fara í leikfimi vera með krakkana í hinu og þessu, stoppa lítið við en er samt eitthvað niðurdregin.  Held í rauninni að ég viti ekkert hvað ég vil í þessu lífi.  

Sé að síðan er lítið sem ekkert heimsótt eftir að ég læsti henni og það dregur mann niður, enginn komment...Sakna ykkar vina minna á Íslandi en samt býst ég ekki við að komast til Íslands þetta árið, þó að samt viti maður aldrei.  Ein vinkona mín er að reyna að mana mig í að koma með sér til Ibiza í 6 daga í byrjun ágúst...langar að fara og ekki.  Finnst ég verða alltof háð þessum karlmönnum, verð óörugg með mína hluti sem ég er venjulega aldrei, tek mínar ákvarðanir án þess að hika en núna er það eitthvað öðruvísi...þá náttúrulega stoppar maður við og hugsar hvort að maður sé að gera það rétta.   HJÁLP getur einhver fundið rétta veginn minn!!!! Er alveg rugluð, er ánægð og hamingjusöm en það vantar eitthvað, gæinn minn segir mér oft á dag að hann elski mig en......hvað er að trufla mig???

 Krökkunum gengur mjög vel í skólanum og í öllum íþróttunum sem þau eru í.  Í dag er ég með harðsperrur eftir bæði spinning og body pump sem ég fór í seinni partinn í gær.  Er að hugsa um að leggjast í leti og glápa á Dr. House.  Það róar taugarnar og dreifir huganum.

Er að íhuga að opna síðuna aftur, en endilega látið sjá ykkur og bara lítið kvitt. knús til allra.

 

Dagarnir líða...

Jæja þá lauk 3 skákmóti Ólafs Ketils og hann stóð sig eins og hetja.  Hann lenti í 11-14 sæti sem er nú bara mjög gott af 25 börnum.  Síðast var hann í 18-19 sæti heldur slakari heldur en í þetta skiptið.  Við höfðum það bara gott um helgina, að öðru leyti.  Svo á mánudögum erum við með í heimsókn vinkonur úr skólanum svona einskonar pössun en þau skemmta sér mjög vel krakkarnir saman, hafa hist lítið undanfarið svo það er ágætt að hafa svona einn fastan dag í viku. 

Ég er bara búin að vera dugleg í leikfimi en fer eiginlega alltaf í spinning orðið kannski pínu í Body pump líka.  Maður verður nú að styrkja efri hlutann líka.  Í dag kemur Nabila, Arslan og vinkona hennar í heimsókn til okkar og gista, hún er að svíkja lit því hún ætlar að flytja aftur til Frakklands.....ja en þá höfum við bara einhvern til að heimsækja í París það er nú ekki amalegt.

Fór í foreldraviðtal til kennarans hennar Perlu Lífar og hún var mjög ánægð með hana, öll hennar vinna vel unnin og snyrtileg.  Jæja svo er það málið hérna á Spáni að það styttist í fermingarnar....eða þá meina ég allur bekkurinn hans Ólafs Ketils okkur er náttúrulega boðið í nokkrar og ég er að hugsa um að forða mér til að engin fari í fýlu, því flestir krakkarnir fermast sama daginn.  Algjör Horror.

Styttist í helgi aftur sem betur fer, ein syfjuð