Húsbíll óskast til leigu!!!

Verð að misnota aðstöðu mína aðeins. Vantar einhvern auðfengin pening???? Það eru að koma til landsins þann 8 ágúst til 15. ágúst 4 spánverjar sem langar að leigja húsbíl í þennan tíma. Verðhugmyndin var 1000€-1200€.  Ekki láta þetta tækifæri sleppa!! Endilega hafið samband.

Feneyjar-og ýmislegt fleira

Jæja loksins komið að lokasögunni úr skemmtisiglingunni miklu.  Við komum til Feneyja um kl 9 um morgun og sigldum upp aðalkanalinn þar og það var mjög fallegt og skemmtilegt.  Þegar ég fór á fætur voru sko allir steinsofandi, fór upp að taka myndir og njóta útsýnisins.  Svo borðuðum við öll morgunmat á pizzeriunni og kl 10,30 máttum við loksins fara frá borði en þá þurfti sko að hlaupa til að ná því að vera um borð fyrir kl 13, til að borða um borð þar sem maturinn er allur borgaður til hvers þá að borða annars staðar.  Við náðum að fara á Markúsartorgið og vera þar í um korter, og svo var bara með strætóbátnum tilbaka.  Þetta var nú samt þó nokkuð labb.  Svo var bara borðað í síðasta sinn hlaðborð og það var mjög gott.  Svo var kallað frá borði og þar var sælan búin, flugstöðin í Feneyjum var ömurleg og þar þurftum við að bíða í rúmlega klst svo þegar í vélina var komin var orðin 30 mín seinkun þannig að við fórum á endanum ekki fyrr en eftir klst. Biðin í vélinni var horror því það var svo heitt allir búnir að sitja í þessu flykki í klst.  Við vorum sótt af Valda í Madrid hann var því miður búin að bíða lengi eftir okkur,  Við þökkum þeim Mar og Valda kærlega fyrir okkur.  Bílferðin gekk eins í sögu, var frekar löng um 4 klst með matarstoppi.

Nú er komið að næsta ferðalagi, á fimmtudaginn er ég á leiðinni til Íslands að hitta elsku börnin mín sem ég er búin að vera án í 3 vikur, þau eru reyndar búin að hafa það mjög gott með Pabba sínum, ferðalög, sumarbústaðir og læti.  Ég er náttúrulega búin að vera í algjöru dekri þennan tíma og ástfangin upp fyrir haus.  Hann er farin til London að læra ensku og mér finnst hann alltof langt í burtu og reyndar honum líka en þetta verður fljótt að líða.  Hann kemur eftir rúma viku til mín.  Þá verða meiri ferðalög og það verður æði.  Um verslunarmannahelgina verðum við bara í bænum að njóta vina og vandamanna, fara í sund og vera laus úr þessum helv hita.  Hér voru bara 47°í gær og það var ógeð.  Nú er ég búin að setja loftkælinguna inn í herb sem ég er nú ekki vön.

Er alveg að deyja úr þreytu núna, meirihlutinn af farangrinum komin á sinn stað svo maður getur farið að slappa af.

 Knús til allra og endilega kvitta elskurnar, skal reyna að vera duglegri að skrifa.

Rodos-Corfú og Dubrovnik.

Jæja hér er bara rólegt líf eða þannig!!  Vikan hefur verið mikið að gera í vinnunni því það þurfti að skila vsk fyrir síðustu 3 mánuði.  Um helgina var rólegt og rómantískt, var heima hjá kærastanum Fulgen og við höfðum það bara gott, kíkja á góðar bíómyndir á bíótjaldinu....horfðum meðal annars á Kill Bill sem er mynd eftir Tarantino og ótrúlegt en satt en ég mæli með þeim báðum, þetta eru 2 myndir og það verður að sjá þær báðar helst með stuttu millibili.  Svo vorum við mikið við ströndina eða í Cartagena á föstudagskvöld því það voru tónleikar með píanóleikaranum Michel Camilo (þriðja árið í röð sem ég hitti hann). Á laugardags og sunnudagskvöld fórum við til San Javier þar sem þurfti líka að stilla fyrir tónleika og síðan fórum við út að borða, rosa notalegt.  Reyndar á sunnudagskvöldið var okkur boðið út að borða með vinafólki sem býr þarna við ströndina.  Æ get ekki sagt að ég sé ekki ofdekruð hérna þessa dagana.  Börnin mín hafa það gott hjá pabba og bara frábært.  Aumingja kallinn minn er nú staddur á spítala því hann var skorinn upp í hnénu í morgun, hefur það reyndar alveg ágætt, sæki hann svo í fyrramálið.  Sé að þið eruð þó nokkuð dugleg að heimsækja mig hér á síðuna en það væri rosa gaman að vita hver þið eruð!!!! endilega að kvitta þó að það sé bara nafnið....þó að ég hafi það mjög gott þá sakna ég alltaf fjölskyldu og vina heima.

Ferðasagan heldur áfram.......á fimmtudegi 26 júní vöknuðum við, við höfnina á rodos það var frábært að sjá út allt fullt af kastalaveggjum og virkjum.  Við sem héldum að það þyrfti að fara óraleið til að sjá eitthvað fallegt hér því skoðunarferðin var í 60 km fjarlægð en við höfðum það í 5 mín göngufjarlægð frá skipinu.  Byrjuðum nú daginn samt seint og það var ekki fyrr en eftir mat um kl 15 sem við fórum frá borði. Röltum með krökkunum inn í gamlabæinn sem er umkringdur kastalaveggjum þar var sko gaman að vera fullt af litlum búðum og mjög ódýrt!!! Duttum í búðarleiðangur....krakkarnir voru með okkur í rúman klst en svo voru þau orðin pínu löt þannig að ég og Chiqui fórum með þau um borð aftur á meðan Jose Maria og mamma biðu eftir okkur á kaffihúsi.  Skoðuðum meira og keyptum aðeins meira líka hehe.....en þetta var ekkert smá flottur staður.....einn af mínum uppáhaldsstöðum í þessari ferð.  Keypti kjól fyrir gala kvöldið sem átti að vera daginn eftir, hann er rauður mjög flottur.  Héldum um borð og það var suðrænn fílingur með tilheyrandi dönsum og látum.....dönsuðum mikið og fórum seint að sofa þar sem var siglingardagur á föstudeginum. Föstudagurinn var frábær um borð í skipinu og nóg að gera það skalt ég segja ykkur. Laugardagur komum við til Corfu....þar þurfti að labba ansi langt í mikilli sól og hita til að komast í gamla bæinn, þegar þangað loksins kom voru mjóar götur og ansi flott um að litast, fullt af búðum en alls ekki eins ódýrt og á Rodos.  Samt varð nú að kaupa eitthvað til minningar hehe, krakkarnir urðu eftir í skipinu sem betur fer því í þessu hita hefðu þau nú bara verið til trafala.  Um kvöldið var show eins og alltaf en eftir matinn fórum við að sjá Karaoke....krakkarnir sungu eitt lag undir lokinn.  Það var mikið talað um að ekkert hefði rignt alla ferðina........og viti menn þegar við vöknuðum daginn eftir var úði í Dubrovnik í Króatíu.   Vá þetta var allt öðruvísi landslag og mjög ólíkt þeim stöðum sem við höfðum verið á.  Fórum með strætó en þurftum að skipta peningum því þarna er ekki notuð Evra.  Þetta var barnlaus ferð að mestu leyti en Alvaro sem er 12 ára fór með okkur, hin urðu eftir í skipinu.  Ferðin var þægileg þar sem strætó stoppaði nálægt og svo var bara að skoða bæjarhlutann sem var umkringdur virkisveggjum.  Við löbbuðum hringinn á virkisveggjunum sem hafa nú líklega verið hátt í 3 km.  Annar af mínum uppáhaldstöðum var þarna.  Jæja þessi ferðasaga fer nú að verða heldur löng....en í næsta parti sem er meðal annars sá síðasti eru Feneyjar.

Vonandi er veðrið að skána hjá ykkur, sendi ykkur sólarkveðjur og knús.....endilega kvitta mua

Hér komum við Madrid.

Þá er sko komið að því að við leggjum land undir fót.  Nú brunum við af stað á Toyotunni til Madridar.  Þar ætlum við að vera í 3 nætur og 2 daga.  Ætlum aðeins að sjá borgina og svo að fara í Warner bros garðinn með börnin.   Svo á mánudaginn er langþráða ferðalagið í augnsýn, fljúgum frá Madrid til Aþenu og þá verður farið í lúxusinn.  Skemmtiferðaskipið vá mar.

Hér er vikan búin að fljúga síðan Mamma kom er ýmislegt búið að gera!! verslunarleiðangur og margt fleira.  Haldið þið ekki að hún hafi fengið fyrirfram afmælisgjöf.....geðveika myndavél.  Takk fyrir hana þangað til hægt verður að hringja í viðkomandi.

Fullt verður tekið af myndum sem verða settar á netið þegar tilbaka kemur.

Knús og kvitta mua

Nú erum við sko komin á alvöru blogg hehe

  Blessuð, ákvað að breyta til, hin var ekki að virka alveg nógu vel....fékk líka nafnið sem ég vildi hér!!! Nú getur maður farið að setja inn myndir en frábært, það verða margir ánægðir með það!!

Hér er bara geggjað veður búið að vera, reyndar þessi vika kaldari en sú síðasta.  Um helgina var sko grillveisla hjá Önnu og Jose Luis, Nabila, Kun og Arslan fóru með, við vorum allan daginn borðandi.....get svarið það....úff ég verð víst að passa þessar fínu línur sem ég er búin að púla og þræla mér fyrir hehe   Svo um kvöldið fórum við til Alicante og auðvitað þurftu Nabs og undirrituð að skreppa og skoða djammið hehe, hittum Maite og Paco fórum á mexíkanskan og svo var djammlífið skoðað á alla kanta.  Mikið hlegið og ekki mikið drukkið.....alveg satt, skelltum samt í okkur sleikjóskoti sem var svona helv...gott.

Á sunnudag fórum við á ströndina með börnin, vorum alveg frá rúmlega hádegi til kl fimm seinnipartinn.....hitinn var mjög passlegur en sjórinn ískaldur, börnin skelltu sér nú samt útí.  Við vorum dugleg að bera á okkur og brunnum því ekkert að ráði....börnin ekkert en ég smá rauð á viðkvæmustu svæðunum.  Það eru stór plön framundan, menningarvika er nú í skólanum hjá börnunum og að verður uppákoma hjá bekkjunum á fimmtudag og föstudag.  Ólafur Ketill og skvísan hans María del Mar verða kynnar báða dagana!!!! Það er ekki í fyrsta skipti, þau eru alltaf valin...híhí.  Perla Líf verður friðardúfa...það verður bara æði að sjá hana, sá búningin í fyrsta skipti í dag og hann er æði!!! Set sko inn myndir um helgina. 

Ólafur Ketill fer svo í fyrsta skipti í svona sumarbúðir, á sveitabæ í 4 daga, frá sunnudegi til miðvikudags, hann verður með flesta bestu vini sína þannig hann á eftir að skemmta sér konunglega.  Perla Líf fer á meðan með Nabilu til Alicante...þannig að ég get farið áhyggjulaus í vinnuna.  Þegar páskahelgin kemur er sko planið að vera slatta í Alicante til að fara á ströndina og svoleiðis. 

Djamm er sko planað á laugardaginn og haldið ykkur fast á miðvikudaginn í næstu viku líka hehehe, það verður að njóta lífsins.

Knús til ykkar allra, ekki vera óþolinmóð með myndir og dæmi