Já páskarnir þustu hjá eins og ekkert væri....og tíminn líður alltof hratt til að vita hvað honum líður eiginlega. Svo er fésið búið að yfirtaka svolítið bloggheiminn og ég verð að viðurkenna að þar hef ég haldið mig undanfarið.  Við höfum það samt öll mjög gott og engin svínaflensa hjá okkur, þó að einhver tilfelli hafi greinst hér í héraðinu...ekki er ég vitund smeyk við þetta enda held ég að það sé engin ástæða til eins og staðan er í dag.  Börnunum gengur vel í skólanum og nú þegar daginn er farin að lengja þá sér maður þau varla.  Þau eru úti að leika, því hér á Spáni núna er hvorki of heitt né of kalt og fólk úti með börnin til rúmlega 9 á kvöldin eins og ekkert sé.

Barsarnir eru að kollkeyra öllu hérna og það er frábært, við erum stuðningsmenn þeirra.  Ég er komin aftur með íþróttabakteríu og fer út að hlaupa 2-3 í viku og hjóla nánast alla daga í vinnuna.  Þetta er fyrir bikinið sem verður nú dregið út úr skápnum fljótlega.  Ströndin bíður, höfum ekki farið enn ...algjör synd en á morgun er planið að kíkja á Íslendingana sem eru hér staddir og hitta þá á ströndinni.  Auðvitað kíkir maður á evróvision á morgun og þó að ég sé á Spáni þá er það bara áfram Ísland!!!

Ég brákaðist á vísifingri um daginn að spila padel og var í heila viku með puttann í hafti og nú er ég laus en ég finn stundum enn til, en auðvitað er ég farin að spila aftur ekki eins mikið en...get ekki verið mjög lengi kyrr. 

Stend mig mjög vel með einka enskutímana og það hjálpar sko, fjárhagnum...get ekki annað sagt.

Jæja þetta var stutt uppfærsla af okkur....erum cool í sólinni.

Knús og kram á alla

Það er langt síðan síðast, ég veit en þessi mánuður hefur verið mjög uppátækjasamur og þá ekki í góðri meiningu.  Flestir mínir nánustu og vinir vissu að ég kom til Íslands í skottúr um miðjan mánuð.  Það var yndislegt að sjá ykkur öll en ég hefði samt viljað að það hefði verið í öðrum tilgangi en þetta er gangur lífsins.  Ég vil þakka öllum fyrir hlýhug í sambandi við fráfall föður míns, þið voruð öll yndisleg og það var æðislega gott að finna hvað maður á góða að á Íslandi þó að ég sé búin að búa svona lengi á Spáni.

En það sem er búið að vera að gerast hér að öðru leyti er að ég er byrjuð að kenna ensku seinnipartinn á daginn, krökkum og fullorðnum eða bara þeim sem vilja.  Þetta gengur vel og sjálfsálitið með kennsluna er smám saman á uppleið. Ég á enn svolítið erfitt með að útskýra flóknari málfræðiatriði en þá fer maður bara á netið og rifjar upp, ég kann að nota þetta flest en málfræðinöfnin á ensku og að útskýra er allt dottið uppfyrir. En eins og ég segi allt á uppleið. Yngsti nemandinn minn er lítil stelpa sem er 20 mánaða ekkert smá fyndin.

Er komin í sparnaðarhugleiðingar að öðru leyti og er hætt í padel tímum en nú er bara að leigja völl og spila við Martin, Inmu, Javier eða Domingo.  Við spiluðum á föstudaginn og ég er svo montinn því ég vann Martin, spilaði með kærasta Inmu og við unnum þau hehehe ekkert smá góð.

Aðrar hugleiðingar sem eru í gangi ég veit að það er kreppa en íslendingar hafa nú alltaf verið frægir fyrir að þurfa að komast í sólina.  Hér set ég slóð á ódýr hús/íbúðit til leigu nálægt mér hehee svo að þið komið nú líka að heimsækja mig en við ströndina.  Skora á ykkur að skoða málið það er þess virði ef þið viljið panta þá er hægt að gera það á síðunni en þið mættuð setja emailið mitt aukalega svo að ég viti að þið komið í gegnum mig.  

http://spann.is

æi hún vill ekki leyfa mér að setja þetta inn sem tengil þannig að þá er bara afrita og skeyta.

Í gær hélt ég afmælisveislu fyrir stóra strákinn minn og það voru bara fáir en hans bestu vinir.  Þannig að þau skemmtu sér konunglega, borðuðu pizzur og köku síðan voru þau bara að spila.  Þessi börn stækka ekkert smá hratt, vá maður.

Jæja nóg í bili, knús og farið vel með ykkur!

Vá ótrúlegt hvað þessi mánuður hefur verið fljótur að líða. En hér hefur verið ágætt að gera eins og alltaf og þá helst í að velja hvaða menntaskóla maður ætlar að senda drenginn í, í haust. Já þið heyrðuð rétt barnið mitt er á leið í menntaskóla þar sem hann verður vonandi þangað til hann verður 18 ára og klárar stúdentsprófið.  Við fengum heimsóknir úr 2 menntaskólum þar sem þeir kynntu okkur foreldrum og börnum sína stefnu.  Við erum búin að senda umsóknina inn og það er í skóla hérna rétt hjá okkur ca. 10 mín gangur (hjá mercadona og bókasafninu) fyrir þá sem þekkja til.  Þar erum við búin að skrá hann á tungumálabraut sem verður líklega enska og franska sem og auðvitað spænskan sem aðalmál.  Það er ekki hægt að segja að drengurinn kunni ekki tungumál, ég sem var svo stolt að kunna 5 eða hafa lært allavegana.  Hann er ekki orðin 12 ára og er orðin mjög duglegur í 4.

Tiltektir hafa verið í gangi, henda gömlum skólabókum sem við höfum ekkert við að gera en er alltaf (allavegana fyrir mig) erfitt að henda...þetta eru minningar.  Auðvitað geymi ég alltaf eitthvað svo þau geti skoðað þegar þau verða eldri.  Afmælisgjöfin hans Ólafs Ketils var í fyrra fallinu og vorum við nokkur sem sameinuðumst um að gefa honum 19" flatskjá í herbergið hans og er hægt að nota það við tölvuna líka, ekkert smá flott.  Það var smá dúlt að koma þessu inn til hans því þar er ekkert loftnet...hehehe en maður deyr ekki ráðalaus og Martin og ég tókum okkur til og boruðum í gegnum alla veggi sem urðu á leið okkar inn í herbergið hans Ólafs og málinu reddað. Einnig löguðum við rúmið hans sem var orðið eitthvað tæpt og settum skjáinn á vegghengi.  Þetta er að verða ekkert smá flott allt saman.

Perla Líf er búin að vera nokkuð góð og duleg að læra undanfarið, en held samt að henni hafi fundist mjög gaman að vera heima þegar hún fékk magapestina um daginn og yfirleitt á morgnana er eitthvað að hrjá hana.  Hún er búin að vera dugleg að lesa og er að byrja finnast það skemmtileg, mér er að takast þetta hehehe við hin í fjölskyldunni erum svoddan lestrarhestar að það er skrítið að hún verði það ekki.

Nú er afmælið mitt framundan....en ég er auðvitað á besta aldri og höfum við í tilefni af því ákveðið 3 pör að fara í ferðalag.  Ferðinni nú er heitið í Malaga héraðið, í bæ sem heitir Antequera og annan sem heitir Ronda.  Þetta eru litlir bæir og mjög týpiskir fyrir þetta svæði.  Verðum á flottum hótelum það er verst að það er spáð skýjuðu og rigningu en við verðum að krossleggja fingur og vona það besta.....annars hljóta að vera góðir barir í kringum hótelin og herbergin með besta móti hehehe. Leggjum í hann eldsnemma á föstudag því þetta eru um 4klst keyrsla.

Jæja nóg af okkur í bili, sparnaður í fullum gangi.

En alltaf eru til kossar til vina og vandamanna og kærleikur.  Farið vel með ykkur. Elskið friðin og strjúkið á ykkur kviðin.

Hæ hó, já ég lofaði að reyna að vera duglegri að skrifa og hér kemur það.  Þessi vika er búin að vera með rólegra móti í vinnunni en það er tölvumálum að kenna.  Forritið vildi bara ekki virka rétt þessa vikuna, endalausar villur og vesen...en sem betur fer týndust engin gögn og loksins á föstudaginn gátum við byrjað að setja inn talninguna aftur og gera reikningana.

Ég lét verða af því að koma hugmynd í framkvæmd sem ég er búin að ganga með í maganum í raun síðan ég kom hingað til Spánar en hef aldrei látið vaða. Hvort hún mun bera árangur það á eftir að koma í ljós en....við ég vona það svo innilega.  Hugmyndin er að byrja einkakennslu í ensku fyrir börn. Spænsk börn fá ágætis ensku kennslu í skólunum en þar sem þau heyra hana aldrei, þá tala spánverjar ENGA eða nánast enga ensku og þar langar mig að grípa inní.  Allavegana það fóru upp auglýsingar í þessari viku og nú er að sjá hvort að í kreppunni gengur eitthvað.

Ég er búin að vera ágætlega dugleg að hreyfa mig, hljóp úti 2var í vikunni og svo auðvitað padel en hjólið situr enn á hakanum...vetrarhörkurnar hahahaha. Hef mig ekki í að fara í vinnuna aftur á hjólinu....brrrrrr það er svo kalt á morgnanna brrrrrbrrrrr.  En það fer að koma að því, spara bensín og vera umhverfisvænn.

Ólafur Ketill stendur sig sem betur fer áfram eins og hetja með einkunnirnar en hann er komin með unglinga aldurs fiðringin og úfff....vonandi gengur þetta hratt og vel yfir...og versnar ekki....þá fer ég á taugum......:)

knús á línuna

Betra seint en aldrei....þó að ég hafi nú verið búin að óska ykkur þess fyrir áramótin.

Við héldum rosa veislu hérna á gamlárskvöld það komu vinir Inma, Javier og 4 börn með þeim, Martin, ég og börnin og Conchí sem er danskennarinn hennar Perlu Lífar.  Borðuðum íslenskan hamborgarahrygg með sósu og kartöflum, en í forrétt var fullt af hlutum, rækjur, skelfisk og aspas með sósu sem Martin gerði, við borðuðum allavegana yfir okkur.  Það voru hattar, flautur og mikið fjör. En um kl 2 fóru allir og þetta var líka orðið mjög gott, vorum orðin þreytt og fórum í háttinn.

En jæja það er komin tími á að segja aðeins frá okkur á þessu nýja ári. Það var yndislegt að byrja á öllu upp á nýtt, ég var allavegana orðin þreytt á fríinu, börnin líka því þau gerðu nú ekki annað á endanum en að rífast og fíflast.  Þeim var farið að vanta rútínuna....  En nú er allt komið í fastar skorður og miklu betra.  Ólafur Ketill virðist nú samt eitthvað vera að byrja á unglingastælum, hann getur ekki hætt að fíflast og það er allt fíflagangur og ég er að verða svolítið þreytt og þetta er bara rétt að byrja. Enn sem betur fer kemur þetta ekki niður á skólanum enn allavegana og ég vona að þetta muni aldrei koma niður á náminu en kennarinn stakk því samt að mér að hann hefði tekið eftir þessu líka.  Ég var í raun feginn því ég var farin að hafa áhyggjur af því að ég væri að ímynda mér þetta.

Perla Líf er ormur, hún er snillingur í að reyna að koma sér hjá hlutunum og ekki að segja frá öllu.  Þannig að um daginn fékk ég ummæli frá kennaranum hennar að hún hefði ekki klárað heimalærdóminn, úff hún er algjör. En ég er farin að taka á þessu en kennarinn hennar sendir rosa mikinn heimalærdóm og það er kannski ekki von að hún fái leið.  

Hér er búið að vera kalt síðan um miðjan desember meira og minna, reyndar á föstudaginn kom rosa hiti eða fór úr 6° á fimmtudag í 26°á föstudag og reyndar á laugardag var hiti líka en brjálað rok, eins og það hefur nú frést alla leið til Íslands þetta ofsaveður.  Brotinn tré um allar götur hérna í Murciu þó að hér hafi það nú ekki verið eins slæmt og á öðrum stöðum.

Það er búið að vera brjálað að gera í vinnunni því við erum búnin að vera í talningu og það er næsta vika líka.  En þar næ ég mér í auka frídaga til að nota í eitthvað ferðalag mjög líklega með Martin í febrúar eða mars.  Erum aðeins búin að vera að kíkja en ekkert komið á hreint.

Reyni að vera duglegri, þó að ég sé ekki að sjá mikil viðbrögð og áhuga frá mínum kæru vinum.

Knús á alla