Vá hvað tíminn líður!!!!!!

Góðan og blessaðan.....hvað segist þessa dagana.....

Veit að ég hef verið frekar löt en það er bara fullt að gera.  Hef verið að þvælast í Ikea til að finna mér annan sófa og fleiri rúm í kotið.   Svo bara þetta vanalega.  Löng helgi að baki og við skemmtum okkur mjög vel, fórum til San juan de los terreros að vera í afmælum og hafa það gott að auki.  Belen og Jose buðu okkur, Perla Líf fór snemma með þeim og Paulu sem verður bráðum 4 ára eða á laugardagsmorgun.  Ég og Ólafur Ketill urðum eftir þar sem Ólafi var boðið í fermingu og fór hann í hana kl 16,40 og kom ekki heim fyrr en að verða 2 að nóttu.  Hann kom með mér í vinnuna um morguninn svo fórum við tvö að fá okkur Kebab og að spjalla um daginn og veginn.  Á meðan hann fór í fermingu, fór ég til Fulgen að taka upp á DVD gamlar videospólur.  Það var bara mjög fínt, skemmti mér mjög vel með Palomu og svo var nú rosa stuð um kvöldið líka.

Á sunnudaginn vöknuðum við Ólafur Ketill frekar snemma til að keyra til Aguilas, ferðin gekk frábærlega vel og allir í stuði þegar við komum þangað.  Svo var keyrt til Pulpí, þar sem afmælisbarnið Belen var með Pabba sínum og fjölskyldu hans þar í svaka höll með sundlaug og læti.  Það mátti reyndar ekki fara í laugina því það var svo mikill klór í henni en auðvitað þurfti Ólafur Ketill að detta útí, fljótlega eftir að við komum.  Vorum ekki með nein aukaföt en sem betur fer voru fleiri krakkar og það bjargaðist að hann fékk lánaða sundskýlu og sandala og spókaði sig hálfber allan daginn.  Honum leiddist þetta nú ekki, nóg að borða og svaka stuð, vatnsblöðruslagur og geðveikt.

Svo á mánudaginn fórum við á ströndina og borðuðum þar, var ekkert smá notalegt.  Það brann engin enda var þetta ekki sá heitasti undanfarið en það var notalegt.  Fékk rosa lit allavegana, maður orðin sællegur.

Jæja hlakka til að heyra í ykkur,

Knús til allra

Athugasemdir

[Sóldís Fjóla Karlsdóttir, 5.5.2006 kl. 07:37]

Gaman að heyra að þið njótið lífsins í sól og sumaryl.Annars er veðurspáin fín hérna næstu daga, mér sýndust vera tveggja stafa tölur á veður kortinu. Svo það er fínt framundan.

Good Luck og Sweet Dreams (sigurmerkið, mannstu, hehe)Allt á uppleið!!! Kveðjur til barnanna og sjálfrar þín.

[Sóldís Fjóla Karlsdóttir, 6.5.2006 kl. 10:45]

Vaaaá...GEÐVEIKI ersvo sannarlega GEÐVEIKI. Engin spurning!!!!

Ekki nema von að viðkomandi vilji ekki gangast við þessum óþverra og láti viðbjóðinn heita í höfuðið á sér.Úgh....

Sumir eiga bágara en aðrir!!!!

Sóldís

s