Opnunarhátíð!!!!!

Vá maður það er komið að því, það á að opna 3 Klavier búðina núna, hún verður í Albacete sem er um 140km í burtu.  Allt stóðið ætlar nú að fara, ég og Chiqui sjáum um að selflytja gamla manninn og öll börnin, því þeir bræður verða farnir snemma þangað.  Ætlum að leggja af stað um kl 18 en það byrjar um kl 19 verðum líklega pínu seinar en það er allt ok.

 Hér gengur annars lífið bara vel, allt það venjulega, held áfram að vera dugleg í leikfimi, endist á meðan endist!!! Er í raun alveg hissa á sjálfri mér hversu miklu úthaldi ég hef komið mér upp, en þetta er rosa gott fyrir heilsuna og ég segi bara er á meðan er.

Perla Líf og Ólafur Ketill eru bæði í tennis og finnst bara rosalega gaman, það eru enn 10 dagar þangað til sundið byrjar því það er verið að laga sundlaugina, en það finnst þeim báðum gaman líka.

Skólinn gengur æðislega vel hjá þeim báðum en Ólafur heldur áfram að fá mjög góðar einkunnir, ég er rosa stolt.  Brjálað að gera í vinnunni, reikningagerð, styttist í VSK og allt það. ÚFF

Höfum það samt fínt, og sendum ykkur bestu kveðjur.

Athugasemdir

[Sóldís Fjóla Karlsdóttir, 4.10.2006 kl. 19:53]

Til hamingju, allir, með nýju búðina, frábært. Veit að allt gengur í haginn, það eru allir svo duglegir og áhugasamir.

Mér finnst alltaf svo frábært að heyra þegar Ólafi og Perlu Líf gengur vel, mér finnst eins og ég hafi afrekað eitthvað stórkostlegt sjálf. Enn og aftur til hamingju með búðina og börnin og tilveruna svona yfirleitt. Kveðjur til allra, mammaog amma Sóldís.