Komin heim eftir eftirminnilegt frí.

Þið verðið nú að fyrirgefa að það sé ekkert blogg komið um ferðalagið okkar fræga.  En það er búið að vera svo mikið að gera að það er bara varla heilbrigt.

Nú við vorum þarna í Madrid yfir helgi og það var æðislegt, fórum í Warner bros park, tókum litla frænku okkar með sem er jafngömul Ólafi Katli hún heitir Petra og er dóttir Valda frænda.  Ég undirrituð fór ein í alla rússíbana sem ég fann í garðinum og þeir voru ótrúlegir.  Nema Ólafur Ketill herti sig upp og fór í trérússíbanann sem ekki fer á hvolf en hann kom niður og sagði ALDREI AFTUR!!  Síðan var grillað heima hjá Valda og Mar um kvöldið, rosa notalegt.  Daginn eftir ætluðum við til Madridar aftur en það varð ofan á að fara bara í sundlaugina hjá þeim og hafa það rólegt.  Brunuðum svo á flugvöllin á mánudagsmorgun kl 7 til að fara í brjálaða röð, en vorum snemma í því þannig að við biðum ekki mjög lengi.  Þetta var rosa Jumbó þota sem tekur rúmlega 500 manns og bara byrjunin á ævintýralegu ferðalagi.

Ætla að skrifa áframhaldandi um ferðalagið á næstu dögum, því í dag er afmælið hennar Perlu Lífar!!! Gellan er orðin 6 ára.  Hún fékk 2 pör af eyrnalokkum frá bróður sínum og svo svona tölvudúkku frá mér. Pening og stuttbuxur frá ömmu Sóldísi.  Svo er pínu afmæli seinnipartinn í dag hérna úti á róló. Þannig að tíminn í dag er naumur.  Þau fara svo í flug til Íslands annað kvöld.

Knús frá öllum hér, kvitta mua

Athugasemdir

[Guðrún Anna (IP-tala skráð) 10.7.2006 kl. 10:25]

Frábært að heyra að það var gaman og til hamingju með dóttirna. Knús frá Íslandi þar sem er alltaf rok og rigning heheheh

[Dabba (IP-tala skráð) 10.7.2006 kl. 15:11]

Til hamingju með afmælið Perla Líf!
Gott að þið skemmtuð ykkur öllsömul. Ólafur er eins og Daníel þegar kemur að rússibönum, og við mæðurnar eins.

[Sóldís Fjóla Karlsdóttir, 10.7.2006 kl. 17:05]

Minnstu ekki á rússibana ógrátandi,ohh. Ég þori ekki í þá fyrir mitt litla líf.En öll ferðin var ekkert minna en frábær.

Sjáumst og heyrumst. Mamma